ஏழு கல் விளையாட்டு | Lagori Game

காலம் மறந்த பொக்கிசம் ஏழு கல் விளையாட்டு

⚾தமிழர்கள் கண்டுபிடித்த விளையாட்டுகள் அனைத்தும் நமது உடல், மனம், சிந்தனை, மொழி, கலாச்சாரம், பண்பாடு, கணிதம், நிர்வாகம், வாழ்க்கை முறை, விடாமுயற்சி என்று ஏதேனும் ஒரு வகையில் நம்முடைய மனதிற்கும், நம்முடைய உடலிற்கும் நன்மைகளை வழங்கக்கூடிய விளையாட்டாகவே இருந்துள்ளன.

⚾கிராமங்களில் விளையாடக்கூடிய ஒரு விளையாட்டுதான் இந்த ஏழு கல் விளையாட்டு. இதனை seven stones என்றால் தான் அனைவருக்கும் தெரியும்.

எத்தனை பேர் விளையாடலாம்?

👉பத்திற்கும் மேற்பட்டோர். இரண்டு அணிகளாக பிரிந்து விளையாடலாம்.

தேவையான பொருட்கள் என்ன?

👉7 தட்டையான கற்கள் ( பெரிய அளவிலிருந்து சிறிய அளவு வரை வேறுபட்டவை)

👉ஒரு பந்து

எப்படி விளையாடுவது?

⚾முதலில் இரு அணிகளை தேர்வு செய்து கொள்ள வேண்டும். எந்த அணி கற்களை அடுக்க வேண்டும் (முதலாவது அணி), எந்த அணி கற்களை களைக்க வேண்டும் (இரண்டாவது அணி) எனவும் தீர்மானம் செய்து கொள்ள வேண்டும். இதை டாஸ் மூலமும் தீர்மானிக்கலாம்.

⚾முதலாவது அணி ஏழு கற்களையும் பெரிய கல் முதல் சிறிய கல் வரை ஒன்றன் மேல் ஒன்றாக வரிசையாக அடுக்கி வைப்பர்.

⚾'ரெடி" சொன்னவுடன் இரண்டாவது அணி கற்களின் மீது பந்தை எறிந்து அடுக்கிய கற்களை களைத்ததும் ஆட்டம் தொடங்கும்.

⚾முதலாவது அணி கற்களை அடுக்க முற்பட வேண்டும். ஆனால் இரண்டாவது அணி கற்களை அடுக்க விடாமல் அதை களைத்துக்கொண்டே இருப்பார்கள். கற்களை அடுக்க விடாமல் முதல் அணியில் உள்ள நபர்களை பந்தால் அடிப்பார்கள். அப்படி அடித்தால் இரண்டாம் அணிக்கு 1 பாயிண்ட்.

⚾முதலாம் அணி பந்தால் அடி வாங்காமல் ஏழு கற்களையும் அடுக்கிவிட்டு அதை சுற்றி வட்டம் வரைந்து விட்டால் முதல் அணி வெற்றி பெற்றதாகும்.

⚾கற்களை அடுக்கிவிட்டு வட்டம் வரைவதற்குள் இரண்டாம் அணி பந்தை எறிந்து கற்களை களைத்துவிட்டால் மீண்டும் ஆட்டம் தொடரும்.

⚾வெற்றிபெற்ற அணி மீண்டும் கற்களை அடுக்குவதா அல்லது களைப்பதா என்று தீர்மானித்து அடுத்த ஆட்டத்தை தொடங்குவர்.

பயன்கள் :

👉பொறுமை, விடாமுயற்சி கூடும்.

👉குழு ஒற்றுமை வளரும்.

👉இலக்கை அடையும் திறன் மேம்படும்.

பெண்களை திருமணத்திற்கு முன்பு ஊஞ்சலாட சொல்வது எதற்காக தெரியுமா ??

    வீட்டில் இருக்கும் உபகரணங்களிலே பெண்களுக்கு அதிக மகிழ்ச்சியைத் தரக் கூடியது ஊஞ்சல்தான்.ஆனால் இப்போது இந்த பழக்கம் வெகுவாககுறைந்து விட்டது..முன்பெல்லாம் ஊருக்கு வெளியே ஆலமரத்தில் ஊஞ்சல் கட்டி பெண்கள் மகிழ்ச்சியாக ஆடினார்கள். இப்போது செல்போன் கையுமாகவே சுற்றுகிறார்கள். படிப்படியாய் குறைந்து தற்போது காணாமல் போய்விட்டது இந்த பழக்கம்…இந்த ஊஞ்சல் ஆட்டம் உடல் ஆரோக்கியத்திற்கு மட்டுமல்ல, மன ஆரோக்கியத்திற்கும் ஏற்றது. அதனால் தான் வீடுகளில் தவறாமல் ஊஞ்சல் அமைக்கிறார்கள்…

   இடவசதி குறைவாக உள்ளவர்களும் வாங்கி பயன்படுத்தும் வகையில் ஊஞ்சல்கள் வடிவமைக்கப்பட்டு இப்போது விற்பனைக்கு வருகின்றன. ஊஞ்சல் ஆடுவது கடவுளுக்குகூட மகிழ்ச்சி அளிக்கும் விஷயம் என்பதால்தான், கோவில்களில் இறைவனை ஊஞ்சல்களில் வைத்து சீராட்டும் விழாக்கள் இன்றும் உண்டு ஊஞ்சலில் ஆடுவதால் மனதில் உள்ள நெகடிவ் எண்ணங்கள் மறைந்து பாசிடிவ் எண்ணங்கள் தோன்றுகிறது. மகிழ்ச்சி பெருகி எதிர்காலத்தைப் பற்றிய வளமான எண்ணங்களும் தோன்றுகின்றதது திருமணங்களில் ஊஞ்சல் சடங்கு’ இதன்
அடிப்படையிலேயே உருவானது.

    ஊஞ்சல் ஆடுவதால் மனச்சோர்வு நீங்கி உடல் உற்சாகம் அடையும்…நேராக அமர்ந்து கைகளை உயர்த்தி இரு சைடுகளிலும் உள்ள சங்கலிகளையும் பிடித்துக்கொண்டு வேகமாக ஆடும் போது முதுகுத்தண்டுக்கு ரத்த ஓட்டம் படர்ந்து மூளை சுறு சுறுப்பாகிறது. கணிணியில் மணிக்கணக்கில் உட்கார்ந்து முதுகுத்தண்டு வளைந்துப் போன இன்றைய தலைமுறையினர் இந்த ஊஞ்சல் பயிற்சியை தினமும் செய்தால் முதுகுத் தண்டுவடம் பலம் பெற்று

க ழுத்துவலி போன்ற பிரச்சனைகள் வராது. பெண்களுக்கு மட்டுமல்ல ஆண்களுக்கும் இது பொருந்தும்.

    தோட்டத்தில் அமைக்கப்பட்டிருக்கும் ஊஞ்சலில் ஆடுவது அதிக பலனை தரக் கூடியது…மரம் செடிகளிலிருந்து வரும் பிராணவாயு(ஆக்சிஜன்) வேகமாக உடல் முழுவதும் பரவி ரத்தத்தை சுத்திகரிக்கும். இதயத்திற்கு சுத்தமான ஆக்சிஜனை கொடுத்து இ தயத்தை சீராக இயங்கச் செய்யும். தினமும் தோட்டத்தில் ஊஞ்சல் ஆடுவர்களுக்கு இ த ய நோய் கட்டுப்படும். ஊஞ்சல் ஆடுவதால் உடலில் இரத்த ஓட்டம் அதிகரித்து இதயத்திற்கு இரத்தம் சீராக செல்லும்.

   சாப்பிட்டவுடன் அரைமணிநேரம் மிதமான வேகத்தில் ஊஞ்சல் ஆடுவது நல்லது. சாப்பிட்ட உணவு நன்கு செரிக்க இது உதவும். உணவு மண்டலம் சீரடையும்.. கோ பமாக இருக்கும் போது ஊஞ்சல் ஆடினால் கோ பம் குறையும்.. வெளியில் சுற்றியலைந்துவிட்டு வந்து ஊஞ்சலில் உட்கார்ந்து கண்களை மூடி தலையை சற்றே மேலே உயர்த்தி, இரு கைகளையும் ஊஞ்சல் பலகையில் பதியவைத்து ரிலாக்ஸாக அமைதியாக ஆடினால் களைப்பெல்லாம் பறந்து, உடலின் ஒவ்வொரு பகுதியும் ஓய்வு பெற்று நிம்மதி ஏற்படும். பழங்காலத்தில் எல்லா வீடுகளிலும் வரவேற்பறையில் ஊஞ்சல் கட்டி வைத்திருப்பார்கள் வீட்டுக்குள் வரும் தேவதைகள் வீட்டின் முன் இருக்கும் ஊஞ்சலில் ஆடப் பிரியப்படுவார்கள், என்று சொல்லி வைத்தார்கள்.

   ஊஞ்சலில் ஆடி நல்லது செய்வார்கள் என்பதும் நம்பிக்கை. சுப காரியங்களைப் பற்றி பேசும் போது ஊஞ்சலில் உட்கார்ந்து பேசுவதும் வழக்கமாக இருந்தது. இப்போது ஊஞ்சலை பார்ப்பது அரிதாக உள்ளது. வாஸ்து படி வீட்டின் முகப்பில் ஊஞ்சல் அமைத்தால் நல்லது என்று பலரும் கூறுகின்றனர்.

N2R நந்தகுமார்

Channel N2R

உங்கள் வீட்டில், எறும்புகள் திடீரென்று கூட்டம் கூட்டமாக வருகிறதா? எறும்பு சாக்பீஸ் போட்டுட்டு அப்படியே விட்றாதீங்க! காரணத்தையும் தெரிஞ்சுக்கோங்க.

     வீடுகள் என்று இருந்தால் எறும்புகள் கட்டாயமாக வரும். இதற்கெல்லாம் காரண காரியங்கள் இருக்கின்றதா? என்ற கேள்வி உங்கள் மனதில் இருந்தால், இந்த பதிவு உங்களுக்கானது அல்ல. எறும்புகள் படை எடுத்து வருவதற்கும், காரணம் உண்டா? என்று தெரிந்து கொள்ளும் ஆர்வம் உங்களிடம் இருந்தால், இந்த பதிவை தொடர்ந்து படிக்கலாம். குடித்தனம் செய்யும் வீட்டில் திடீரென்று எரும்பு வருவதற்கு காரணம், நம் வீட்டில் உணவு பண்டங்கள் சரியான முறையில் பராமரிக்கப்படாமல் இருப்பதும் ஒன்று. இதைத் தவிர்த்து வெயில் காலங்களில், குளிர்ச்சியான இடங்களைத் தேடி எறும்புகள் வருவது இயற்கைதான். இவை எதுவுமே இல்லாமல் உங்கள் வீட்டு வெளிப்புறங்களில், கதவுகளுக்கு பின் பக்கங்களில், இப்படி எறும்புகள் வருவதற்கு வாய்ப்பே இல்லாத சில இடங்களில் திடீரென்று சாரைசாரையாக வரும். இந்த எறும்புகள் உங்களுக்கு எதை உணர்த்துகிறது என்பதை நீங்கள் கட்டாயம் தெரிந்து கொள்ள ஒரு அவசியம் இருக்கிறது. அதைப் பற்றித்தான் தெரிந்து கொள்ள போகிறோம்.

  எதிர்பாராமல் கூட்டம் கூட்டமாக உங்கள் வீட்டிற்குள் படையெடுக்கும் பிள்ளையார் எறும்பாக இருந்தாலும் சரி. கட்டெறும்பாக இருந்தாலும் சரி. யாருடைய கஷ்டத்திற்கோ, நீங்கள் காரணமாக இருக்கிறீர்கள் என்பதை குறிக்கிறது. அதாவது உங்கள் மேல் பாசம் வைத்துள்ள ஒருவரிடம், நீங்கள் நீண்ட நாட்களாக பேசாமல் இருக்கும் பட்சத்தில், அதை நினைவுபடுத்த கூட இந்த எறும்புகளானது உங்கள் வீட்டில் படையெடுக்கும் என்பது குறிப்பிடத்தக்கது. அதாவது உங்களுக்கு நெருங்கிய சொந்தமாக இருந்தாலும், தூரத்து சொந்தமாக இருந்தாலும் உங்கள் மீது உண்மையான பாசம் வைத்திருப்பவர்கள் யாரையும் நீங்கள் தள்ளி வைத்திருக்கிறீர்கள் என்பதை குறிக்கின்றது.

  

  பெண்களாக இருந்தால் கட்டாயம் அம்மா அப்பாவிடம் பேசாமல் இருக்க மாட்டீர்கள். உங்களுடைய மாமனார் மாமியார் உங்களுக்கு ஆகாதவர்கள் ஆக இருந்தாலும் கூட, அவர்கள் மனதில் உங்கள் மீது கொஞ்சம் பாசம் இருக்க வாய்ப்பு உண்டு. அவர்களின் ஏக்கத்திற்கு நீங்கள் காரணமாக இருந்தாலும், அதை வலியுறுத்த இந்த எறும்புகள் உங்கள் வீடு தேடி வரும்.

   சில ஆண்கள் தங்களுடைய தாய் தந்தையரிடம் சண்டை போட்டுக் கொண்டு பேசாமல் இருப்பவர்களும் உள்ளார்கள். அப்படி, இருக்கும் பட்சத்தில், அது மிகப்பெரிய தவறு. உங்களிடம் பாசம் வைத்திருப்பவர்கள் உங்களை நினைத்து கொண்டு ஏங்கிக் கொண்டிருக்கும் பட்சத்தில், அது பெரிய பாவத்தை கொண்டு வந்து, நம் சந்ததியினருக்கு சேர்த்து விடும் என்பதை நினைவில் கொண்டு, உங்கள் சொந்த பந்தங்களை, அலட்சியப்படுத்தாமல் நேரில் சென்று பார்க்க முடியவில்லை என்றாலும், தொலைபேசியிலாவது உரையாடும் வாய்ப்பை  ஏற்படுத்திக்கொள்ளுங்கள். சில வீடுகளில் கணவன் மனைவி பிரிந்து இருக்கும் பட்சத்தில், அவர்கள் மனதில் பாசம் இருக்க வாய்ப்பு உள்ளது. மனதிற்குள்ளேயே ஆயிரம் முறை மன்னிப்பு கேட்பவர்கள், வெளியில் ஒருமுறை மன்னிப்பு கேட்டால் போதுமே, பிரச்சனைகள் தீர்ந்துவிடும்.

   இதை எத்தனை பேர் நம்புவீர்கள் என்பது தெரியாது. ஆனால், சித்தர்களின் நூல்களில் குறிப்பிட்டுள்ள, குறிப்புகள் தான் இவை அனைத்துமே. யாருடைய ஏக்கத்திற்கும், யாருடைய ஏமாற்றத்திற்கும் கட்டாயம் நீங்கள் காரணமாக இருக்காதீர்கள். உங்கள் மீது பாசம் வைத்து இருப்பவர்களை உங்களுக்குப் பிடிக்கவில்லை என்றாலும், உங்களுக்கு நெருங்கிய சொந்தங்களாக இருந்தால், அவர்களிடம் பேசுவதில் எந்த தவறும் இல்லை.

  குறிப்பாக குழந்தைகளை தாத்தா பாட்டிகளிடம் பேச வைப்பது அவசியம். மகனாக இருந்தாலும் மகளாக இருந்தாலும், தன்னுடைய தாய் தந்தையரிடம் பேசுவது அவசியம். மருமகள், மருமகன் தங்களுடைய மாமனார் மாமியாரிடம் பேச வேண்டியது அவசியம். இந்த வரிசையில் அத்தை, மாமா, பெரியம்மா பெரியப்பா என்று யார் இருந்தாலும் உங்கள் மீது பாசம் வைத்திருப்பவர்கள் என்றால் அவர்களை ஒதுக்கி வைக்காமல் பேசுவதே நல்லது. இப்படி உங்க சொந்த பந்தங்களில் யாரையாவது நீங்கள் நீண்ட நாட்களாக பேசாமல் ஒதுக்கி வைத்து உள்ளீர்களா? என்று சிந்தித்துப் பாருங்கள்! உங்கள் வீட்டில் எறும்புகள் படை எடுத்து வருவதற்கு இது கூட ஒரு காரணமாக இருக்கலாம்.

  உங்களால் சில சொந்த பந்தங்கள் இடம் பேசுவதற்கு வாய்ப்பு கிடைக்கவில்லை என்றால், பேச முடியாத சூழ்நிலை என்றால் கொஞ்சம் அரிசி மாவு அல்லது ரவையிலோ சிறிதளவு சர்க்கரையை சேர்த்து கலந்து கோவில்களுக்கு சென்று அங்கு இருக்கும்  எறுப்புகளுக்கு உணவாக அளிக்கலாம். இதேபோல், வீட்டின் அருகில் செடி கொடிகள் இருந்தால் அங்கு வாழும் எறும்புக்கு, அரிசி மாவு சர்க்கரை ரவை சேர்த்து, உணவாக போடலாம். உங்கள் வீட்டில் வரும் எறும்புகள் காணாமல் போய்விடும்.

  சொந்தபந்தங்கள் என்றுமே ஒன்றுகூடி இருப்பது நல்லது தானே இதை நமக்கு கூட்டம் கூட்டமாக, என்றுமே ஒன்றாக வாழும் எறும்புக் கூட்டம் வலியுறுத்துகிறது என்று சொன்னால் அதை நம்புவதில் ஒன்றும் தவறு இல்லையே! உங்கள் மீது அன்பு வைத்திருப்பவர்கள், யாருடைய ஏக்கத்திற்கும் நீங்கள் காரணமாக இருக்கக் கூடாது என்ற கருத்தை முன்வைத்து இந்த பதிவினை நிறைவு செய்து கொள்ளலாம்.

N2R NandhakumaR

Channel N2R 

சட்டை முனி சித்தர் அற்புத வரலாறு

மனிதன் முயன்றால், சித்தர் வழி நடந்தால் அவனும் சித்தனாகலாம் என்பதே உண்மை. ஏனெனில், சித்தர்களும் மனிதனாகத் தோன்றி இவ்வுலகில் வாழ்ந்தவர்களே. ஆனால், இக்கலிகாலத்தில், அது மிகக் கடினமான ஒன்றாகும். அந்த சித்தர்களை, குருவாக ஏற்று அவர் வழி நடப்பவர்களுக்குக் கூட அது ஓரளவு மட்டுமே சாத்தியம்.

உண்மையாய், நேர்மையாய், சுயநலமின்றி வாழ்ந்து, உலகின் உயர்வுக்கும், நலனுக்குமே எப்போதும் சிந்திப்பவர்களுக்கு சித்தர்களின் அருள் தரிசனம் கிட்டும். ஆனால் அதற்கான கொடுப்பினை, நல்வினை நமக்கு இருக்க வேண்டும். ஆகவே நல்ல எண்ணங்களோடு வாழ்ந்து, நற்செயல்கள் செய்து நமது தகுதியை நாம் உயர்த்திக் கொள்ளுதல் மிக அவசியம்

தியானச் செய்யுள்

சித்த வேட்கை கொண்டு

சிறந்து விளங்கிய சீலரே

அரங்கனிடத்தில் அணிகலன்கள் பெற்ற

அற்புத மூர்த்தியே

எம் அறியாமை நீக்கி ஞானவரம் அருள்வாய்

ஸ்ரீ சட்டைமுனி சுவாமியே!

இவர் ஆவணி மாதம் மிருகசீரிடம் மூன்றாம் பாதத்தில் பிறந்தார் என்று கூறும் போகர் இவரைத் தமது சீடராக அறிமுகப்படுத்தி இவரது வரலாற்றையும் தெரிவிக்கிறார்

சட்டைமுனி எனும் இந்த சித்தர் சிங்கள நாட்டிலிருந்து தமிழ் நாட்டிற்கு வந்தவர்.சேணிய வகுப்பைச்சார்ந்தவர்.தாய்,ஆலய விழாக்களில் நடனமாடுபவர். தந்தை இசைக்கருவிகள் வாசிப்பவர். அந்த நாட்டை விட்டுத் தமிழகம் வந்து விவசாயம் பார்த்து வந்தனர். வானம் பொய்த்தக் காரணத்தால் விவசாயம் செய்துபிழைக்க வழியில்லாது போய்விட்டது. மேலும் பெற்றோருக்கு வயதாகிவிட்ட காரணத்தால் விவசாயக்கூலி வேலை பார்த்து வந்தார். பட்டினியால் வாடும் பெற்றோருக்கு உணவளிக்கவே தமிழகக் கோயில்களின்வாசல்களில் தட்டை ஏந்தி யாசகம் பெற்றுத் தமது தாய் தந்தையரைக் காப்பாற்றி வந்தார்.ஒருநாள் வழக்கம்போல கோயிலின் முன் நின்று யாசகம் கேட்டுக் கொண்டிருந்தார். அப்பொழுதுவட நாட்டிலிருந்து சங்கு பூண்ட ஒரு முனிவரைக் கண்டார். அவரிடம் தன் குறைகளை எடுத்து கூறி கண்ணீர்விட்டார். முனிவர். ”யாவும் விதியின் வழித்தான் செல்லும். தாய், தந்தையரை காப்பாற்றும் பொருட்டுநீ செய்யும் செயல் மிகப்பெரியது, புண்ணியமான செயலாகும். விரைவில் உனது நிலையும், காலமும் மாறும்.சிவன்பால் சிந்தனையை நிறுத்து. கடமையைச் செய்.” என்றார்.

சட்டைமுனி மன மகிழ்ச்சிக் கொண்டார். முனிவர் கூறியது போல் மழை நல்லபடி பெய்தது. விளை நிலங்களில் நல்ல விளைச்சல் விளைந்தது. அயராத உழைப்பால் சட்டைமுனியின் வாழ்வும் மலர்ந்தது. இறைவனைஆலயம் சென்று தினம் வணங்கினார். பிச்சைக்காரகளுக்கு தன்னால் இயன்ற அளவு உதவினார். சட்டை முனிக்கு திருமணமும் நடைப்பெற்றது. இல்லற வாழ்வில் ஈடுபாடு இல்லாவிட்டாலும் குடும்பம்நடத்தினார். தினம் கோயில் சென்று சிவனை வழிபடத்  தவறவில்லை. ஒருநாள் இறைவனை வணங்கிவிட்டுவெற்று உடம்போடு வெளியே வந்த சட்டை முனி தன் சட்டையை அணிய முற்பட்டார். வெளியிலிருந்துஒரு குரல் வந்தது. ‘ஏன்னப்பா உடுத்துவதில் உறுதியாய் இருக்கிறாய் போலிருகிறது. உதறிட எண்ணமில்லையா? ‘

சட்டைமுனி திடுக்கிட்டு திரும்பினார். எதிரே சங்கு பூண்ட ஒரு முனிவர் நிற்பதைக் கண்டார். அவர் காலடியில்வீழ்ந்து, ‘சாமி வழிகாட்டுங்கள்’ என்றார். ”உதற ஆயத்தமாக இருக்கிறாயா?” என்றார். ஆம்.. சாமி என்றுதாம் அணிந்திருந்த சட்டையை உதறினார். சட்டை முனியே! வாரும் எம்மோடு என்று அழைத்துச் சென்றார். இவரை ‘கயிலாயச் சட்டைமுனி நாயனார்’ என்றும் எப்போதும் கம்பளி மேலாடையை அணிந்திருப்பதால் கம்பளிச் சட்டைமுனி என்றும் அழைக்கப்படுகிறார்.. சங்கு முனிவரின் கையைப் பற்றிக்கொள்ள இருவரும் கனக மார்க்கமாக ஆகாயத்தில் பறந்தனர். இந்தச் செயலைக் கண்டு சட்டைமுனி வியப்படைந்தார். இது குறித்து வினவ ‘இதில் ஒன்றும் வியப்பில்லை.இரசமணியின் சக்தியால் இவைகள் சாத்தியமாகும். உனக்கோ இது போகப்போக விளங்கும்” என்றார்.

அம்முனிவரின் உபதேசங்களைக் கேட்டு அவருடனேயே சுற்றி வந்தார், இறுதியில் போகரைச் சந்தித்துசித்தர்களின் வழியில் தம் ஞானப் பயணத்தைத் தொடர்ந்தார். போகருடன் இருந்தபோது கொங்கணச் சித்தர்,கருவூரார் போன்ற சித்தர் பெருமக்களின் இனிய தொடர்பு ஏற்பட்டது. அகத்தியரிடம் சீடராகச் சேர்ந்து, ஞானநிலையினை அடைந்தார். இவரின் விடாமுயற்சி, ஞானத்தின் உயர்நிலையை எட்டினார். இவரின் தவத்தால்கயிலாயத்தில் சிவபெருமானை தரிசிக்கும் பாக்கியம் பெற்றார்...

சட்டைமுனி ஊர் ஊராகச் சுற்றி வரும் காலத்தில் தூரத்திலிருந்து தெரியும் திருவரங்கர் கோவில் கலசங்களை கண்டு பேரானந்தம் கொண்டார்.

இக்கோவில் நடைசாத்துவதற்குள் அரங்கனை தரிசித்து விட வேண்டுமென ஆவலாக நடந்தார். ஆயினும் பூசை முடிந்து கோவில் கதவுகள் அடைக்கப்பட்டு விட்டன. ஏமாற்றத்துடன் சட்டைமுனி, கோவில் வாசலில் நின்று அரங்கா! அரங்கா! அரங்கா! என்று கத்தினார். உடனே கதவுகள் தாமாகத் திறந்தன. அரங்கனின் தரிசனம் சட்டைமுனிக்குக் கிடைத்தது. அரங்கனின் ஆபரணங்கள் ஒவ்வொன்றாக கழன்று சட்டைமுனியின் மேல் வந்து சேர்ந்தன. சட்டைமுனி “அரங்கா!” என்று கதறிய சப்தம் கேட்டு திரண்டு வந்த ஊர்மக்கள் வியந்து நின்றனர். அனைவரும் பார்த்துக் கொண்டிருக்கும்போதே இறைவனுடன் ஒன்றாய்க் கலந்தார் சட்டைமுனி. சித்தரின் சமாதி இன்றும் திருவரங்கத்தில் இருப்பதாய் கூறப்படுகிறது.

சட்டைமுனி இயற்றிய நூல்கள்:

சட்டைமுனி நிகண்டு – 1200

சட்டைமுனி வாதகாவியம் – 1000

சட்டைமுனி சரக்குவைப்பு – 500

சட்டைமுனி நவரத்தின வைப்பு – 500

சட்டைமுனி வாகடம் – 200

சட்டைமுனி முன் ஞானம் பின் ஞானம் – 200

சட்டைமுனி கற்பம் – 100

சட்டைமுனி உண்மை விளக்கம் – 51

சித்தர்களுக்கு மனிதனிடம் எதிர்பார்ப்பு என்று எதுவுமே இல்லை. அவர்கள் வலியுறுத்துவது உண்மை, நேர்மை, கருணை, அன்பு, தூய்மையான வாழ்க்கை மட்டுமே. மற்றவர்களுக்கு உதவும் நல்லஎண்ணம், நல்லசெயல், நல்ல சிந்தனையோடு செயல்படுபவர்களுக்கு சித்தரின் அருள் நிச்சயம் கிடைக்கும்.

வெறும் 18 பேர் மட்டுமல்ல; பல்லாயிரக்கணக்கான சித்தர்கள் உலகில் அருள்பாலித்துக் கொண்டிருக்கின்றனர். அவர்களை வெறும் தமிழர்கள், இந்துக்கள் என்ற குறுகிய வட்டத்துக்குள் அடைக்க நாம் முயலக் கூடாது. பூனைக்கண்ணர் எகிப்து/இங்கிலாந்தைச் சேர்ந்தவர் என்ற நம்பிக்கை உண்டு. போகர் சீனர் என்று சொல்லப்படுகிறது. யாக்கோபுச் சித்தர் அரேபியாவைச் சேர்ந்தவர் என்ற கருத்து நிலவுகிறது. ரோம ரிஷி ரோம் நகரைச் சேர்ந்தவர் என்றும் சொல்கிறார்கள். இப்படி நாடு, நகரம், மொழி, இனம் என அனைத்தையும் கடந்து தூய அற வாழ்வு வாழ்ந்தவர்கள், இன்னமும் சூட்சுமமாக வாழ்ந்து கொண்டிருப்பவர்கள் சித்தர்கள். அவர்கள் நம்முடைய தகுதிக்கேற்ப அவர்கள் உதவத் தயாராகக் காத்துக் கொண்டிருக்கிறார்கள். அவர்களின் அருள் கிடைக்க நாம் செய்ய வேண்டியது தூய்மையான வாழ்வு வாழ வேண்டியது மட்டுமே.

N2R NandhakumaR

Channel N2R 

திருமூலர்

மிகவும் உத்தமமாக வாழ்ந்த சித்தரின் வரலாறு இது.சித்தர்களில் முதன்மையானவரும் சிவபெருமானிடமும்,நந்தீசரிடமும் உபதேசம் பெற்றவருமான திருமூலர் கயிலாசப் பரம்பரையை சேர்ந்தவர்.

இவரது வரலாறு குறித்து பெரிய புராணத்தில் சேக்கிழார் கூறியிருக்கும் தகவல்கள்.

திருக்கயிலாலயத்தில் நந்தி தேவரது திருவருள் பெற்ற மாணவர்களுள் ஒருவராய் அட்டமா சித்திகளைக் கைவரப் பெற்ற இச் சித்த மாமுனிவர் திருக்கயிலாயத்தில் இருந்து புறப்பட்டு தென்திசை நோக்கி செல்லும் வழியில் திருக்கேதாரம்,பசுபதி,நேபாளம்,அவிமுத்தம்(காசி),விந்த மலை,திருப்பரப்பதம்,திருக்காளத்தி,திருவாலங்காடு ஆகிய திருத்தலங்களுக்குச் சென்று பின்னர் காஞ்சி நகர் அடைந்து பின்னர் திருவாலங்காடு ஆகிய திருத்தலங்களுக்கு சென்று பின்னர் காஞ்சி நகர் அடைந்து பின்னர் திருவதிகை,தில்லை என்று காவிரியில் நீராடி அதன் பிறகு திருவாவடுதுறையை அடைந்து இறைவனை தரிசித்து விட்டு செல்கையில் அந்தனர்கள் வாழும் சாத்தனூரில் தொன்று தொட்டு மாடுகளை மேய்க்கும் குடியில் பிறந்த ஆயனாகிய மூலன் என்பவன் இறந்து நிலத்தில் விழுந்து கிடக்க பசுக்கள் அனைத்தும் அவனை சுற்றி வந்து கதறி அழுதன.

இக்காட்சியை கண்ட சித்த பெருமான் அப்பசுக்களின் துயர் நீக்க எண்ணித் தம்முடைய உடலை மறைவான இடத்தில் கிடத்தி விட்டு கூடு விட்டு கூடு பாய்தல் (பிரகாயப் பிரவேசம்)என்னும் பவன வழியில் தமது உயிரை அந்த இடையது உடலில் செலுத்தி திருமூலராய் எழுந்தார்.

மூலன் எழுந்ததும் பசுக்களெல்லாம் துயர் நீக்கி அன்பினால் அவனது உடம்பை நக்கி,மோந்து மிகுந்த களைப்பினால் துள்ளி கொண்டு புல் மேயச் சென்றன.

அது கண்டு மகிழ்ந்த திருமூலர் (மூலன்) பசுக்கள் செல்லும் வழியே சென்று பின்னர் அவைகள் தங்கள் இல்லங்களுக்கு சென்றதும் தான் மட்டும் தனித்து நின்றார்.

அப்போது மூலனுடைய மனைவி பொழுது சாய்ந்த பின்னரும் தன் கணவர் இன்னும் சேராதது கண்டு அவனை தேடிக் கொண்டு வந்தவள் மூலன் வடிவில் சித்தரை வீட்டுக்கு அழைத்தாள்.

மூலரோ தான் அவளுடைய கணவன் அல்ல,அவனின் விதி முடிந்து இறந்துவிட்டான் என்றார்.தன் கண்ணெதிரே இருக்கும் கணவனே தான் இறந்து விட்டதாக கூறியதை கேட்டு மனம் பொறுக்காதவளாய் அவ்வூரில் உள்ளவர்களை அழைத்து தன் கணவருக்கு ஏற்பட்டிருக்கும் மாற்றத்தினை கூறி கதறினாள்.

அங்கிருந்தோர் மூலனுக்கு அறிவுரை கூறி அவளுடன் வீடு திரும்பு மாறு கூற மூலன் வடிவிலுள்ள சித்தர் தன் நிலையை பல முறை எடுத்துக் கூறியும்
நம்பாததால் மறுபடியும் அவ்வுடலை செயலற்றதாக்கி உண்மையை விளக்கினார்.கண்ணெதிர நடந்த இந்த அதிசயத்தை கண்டு ஊர் பெரியவர்கள் மூலனின் மனைவிக்கு ஆறுதல் சொல்லி அவளது வீட்டிற்கு அழைத்து சென்றனர்.

தன்னுடைய பழைய உடலை தேடி சென்ற சித்தர் அங்கு தன் உடலை காணததால் மூலனுடைய உடலிலே நிரந்தரமாக தங்கி திருவாடுதுறை கோயிலை அடைந்து யோகத்தில் வீற்றிருந்தது,உலக மக்களின் நன்மையை பொருத்து ஞானம்,யோகம்,சரியை,கியை என்னும் நால்வகை நன்னெறிகளும் கூறும் திருமந்திரம் என்னும் நூலை தொடங்கி ஓராண்டுக்கு ஒரு பாடலாக மூவாயிரம் பாடல்களை பாடினார்.பின்னர் இந்நூல் நிறைவடைந்ததும் அதாவது 3000 ஆண்டுகளுக்கு பின் இறைவன் திருவடியை அடைந்தார்.சதுரகிரி தலப்புராணம் கூறும் திருமூலர் வரலாறு இது.

பாண்டியநாடு சித்து வித்தைகளுக்கு பெயர் போனது.அதனை ஆண்ட தவேத மன்னனின் பட்டத்தரியான சுந்தரவல்லிக்கு வீரசேனன் என்ற புதல்வனும்,இரண்டாவது மனைவியான சுந்தரவதனிக்கு தர்மாத்தன்,சூரசேனன்,வஜ்ராங்கதன் என்ற புதல்வர்களும் இருந்தனர்.

குருகுல வாசம் முடித்த பின் உரிய வயதில் நான்கு இளவரசர்களுக்கும் திருமணம் முடிந்தது.

வீரணன்-குணவதி,தர்மாத்தன்-தனமதி,சூரசேனன்-சுகமதி,வஜ்ராங்கன்-மந்திரவல்லி என்ற தம்பதிகள் நால்வரும் இல்லறத்தை நல்லறமாக்கி வாழ்ந்து வந்தனர்.

முதுமையடைந்த தவேதன் பட்டத்தரசியின் மகனான வீரசேனனுக்கு பட்டம் சூட்டி அரசனாக்கினான்.அரசனும் நல்ல விதமாக ஆட்சி புரிந்து குடிகளை நன்முறையில் காத்து வந்தான்.

இரவு நேரத்தில் வழக்கம் போல மாறு வேடம் பூண்டு நகர சோதனைக்கு கிளம்பிய மன்னன் வீரசேனன் திரும்பிய போது திடுக்கிட்டாள்.பார்வை மங்கிய நிலையில் உடல் முழுவதும் வியர்வை வெள்ளத்தில் நனைய துவண்டு போய் மஞ்சத்தில் படுத்து விட்ட மன்னனிடம் பதறிய நிலையில் காரணம் கேட்ட மனைவிக்கு பதில் சொல்ல முடியவில்லை.வாயில் நுரை தள்ள ஆரம்பித்தது.

அரண்மனை வைத்தியருக்கு செய்தி அனுப்பப்பட்டது.அவர் வருவதற்குள் மன்னனின் தலை துவண்டு சாய்ந்து விட்டது.அரண்மனை வைத்தியப் பட்டாளமே ஓடி வந்து மன்னரை பரிசோதித்து விட்டு அவர் இறந்து விட்டதை உறுதி செய்தது.

மன்னனின் மனைவி குரல் வெடிக்கக் கதறினாள்.அவளின் அழுகையொலி அந்த அரண்மனையை தாண்டி ஒலித்தது.அந்த நடுநிசியில் பாண்டிய நாடு சோகத்தில் புலம்பி தவித்தது.

அப்போது ஆகாய வீதியில் போய்க் கொண்டிருந்த திருமூலர் காதுகளில் இந்த புலம்பல் ஒலி அறைந்தார் போல் கேட்டது.அவர் கீழே நோக்கினார்.

அங்கே உயிரற்ற மன்னனின் உடலைக் கண்டு சோகம் தாளாமல் குணவதியும்,அரண்மனை சுற்றமும்,ஊர் மக்களும் ஓலமிட்டு அழுது கொண்டு இருந்தினர்.

நொடிப் பொழுதில் திருமூலருக்கு எல்லாம் புரிந்து விட்டது.அங்கு அழுதவரின் துயர் துடைக்க தீர்மானித்தார்.உடனே சதுரகிரிக்கு சென்று தான் தவம் புரியும் இடத்திற்கு சென்றார்.

தன் அந்தரங்க சீடன் குருராஜனை அழைத்து தான் சிறிது காலம் உன்னை பிரிந்திருக்க வேண்டியுள்ளது என்பதை தெரிவித்தார்.

"மகனே சிறிது காலம் பூவுலகில் மனிதனாக அதுவும் மன்னனாக வாழ விரும்புகிறேன்.பாண்டிய நாட்டின் ராஜேந்திரபுரியின் மன்னன் வீர சேனன் இறந்துவிட்டான்.அவரது அருமை மனைவியும் குடிமக்களும் அழுத காட்சி நெஞ்சை நெகிழச் செய்து விட்டது.அதனால் அந்த வீரசேனன் மகாராஜாவின் உடலில் பிரவேசித்து சில காலம் உலக வாழ்க்கையை ஈடுபடபோகிறேன்.நான் திரும்பி வரும் வரையிலும் கல்ப சாதனையால் வைரம் பாய்ந்து விளங்கும் இந்த உடலை காப்பாற்றி வைத்திருப்பாயாக"என்று கூறினார்.

முன்பு பசுக்களின் வருத்தத்தை தீர்ப்பதற்காக சுந்தரனார் உடலில் இருந்து இடையனாம் மூலனின் உடலில் புகுந்து தேவ உடலை இழந்து பூத உடலில் தங்கி விட்டார்.மறுபடியும் தெய்வீக உடலாக மாற்றிய மூலனின் உடலுக்கு சோதனை....ம்...

வீரசேனனின் உடலுக்காக இந்த மூலனின் உடலேயும் இழக்க துணிந்து விட்டீரோ?...என்று சீடனுக்கு மனதிற்குள் சந்தேகம் தோன்றினாலும் வெளியே கேட்கவில்லை.குருவின் கட்டளைக்கு மறு வார்த்தை பேசி அறியாத அந்த சீடனும் அவரின் செயலுக்கு சம்மதம் தெரிவித்தான்.

திருமூலர் குகையில் மறைவான ஓரிடத்தில் உடலை கிடத்தி விட்ட சூட்சும உடலோடு மன்னன் உடல் இருக்கும் இடத்திற்கு விரைந்தார்.அதற்குள் மன்னனின் உடலை கழுவி முடித்திருந்தார்கள்.கண்களில் கண்ணீர் வழிய குனவதி கதறிக் கொண்டிருந்தாள்.

அப்போது திருமூலர் மன்னின் உடம்பினுள் புகுந்தார்.அதுவரை அசையாமலிருந்த மன்னனின் உடல் அசைந்தது.சுற்றி இருந்தவர்கள் திடுக்கிட்டனர்.அழுகை ஒலி உடனே நின்றது.அதற்குள் திருமூலர் வீரசேன திருமூலராக எழுந்துவிட்டார்.

இறந்த மன்னன் உயிருடன் எழுந்ததை எண்ணி அனைவருக்கும் மகிழ்ச்சி.துயர கடலில் மூழ்கி கிடந்தவர்கள் இப்போது மகிழ்ச்சி கடலில் ஆழ்ந்தனர்.

தன் கணவர் இறக்கவில்லை என்று தெரிந்ததும் அரசனின் மார்பில் சாய்ந்தாள் மகாராணி.

"நான் தான் எழுந்து விட்டேனே...இன்னும் ஏன் துயரம்"என்று அவளை தட்டிக் கொடுத்து எழுந்தார்.

'அரசே என்ன நேர்ந்தது?....எதனால் மயக்கமுற்றீர்கள்?....தாங்கள் இறந்து போய்விட்டதாக அல்லவா அரண்மனை வைத்தியர்கள் கூறினார்கள்'....என்று மகாராணி கேட்டாள்.

"அரண்மனை வைத்தியர் சொன்னது உண்மை தான்.நான் செத்ததும் உண்மை.இப்போது பிழைத்திருப்பதும் உண்மை...எனக்கு மிகவும் களைப்பாக உள்ளது.பிறகு பேசுவோம்...."என்று கூறி விட்டு ராணியுடன் சென்றார்.

அரண்மனையில் ஏற்பட்ட பரபரப்பிற்கும்,குழப்பத்திற்கும் அளவே இல்லை.அரசரே அதற்கு விளக்கமளித்தார்.

நகர சோதனைக்கு சென்ற இடத்தில் நந்தவத்திலுள்ள பூச் செடியிலுள்ள கூர்மையான முள் ஒன்று அதில் ஊர்ந்து கொண்டிருந்த  கடும் விஷமுள்ள பாம்பு ஒன்றின் உடலில் குத்தியது.வலி தாங்காமல் சீற்றமுடன் திரும்பி பார்க்க எதிரில் இருந்த பூ தான் தனக்கு இடைஞ்சல் செய்கிறது என்று நினைத்து கொத்தி தன் விஷம் முழுவதையும் பூவில் இறக்கி விட்டு போய்விட்டது அந்த பாம்பு.

விஷத்தின் தன்மையை பற்றி அறியாத நான்.அப்பூவின் அழகில் மயங்கி,அதை பறித்து முகர்ந்தேன்.உடனே தலை சுற்றியது.கண்கள் இருண்டன.நான் இறந்து விட்டேன்.எப்படி பிழைத்தேன் என்பது எனக்கே தெரியவில்லை.

எல்லோரும் மகிழ்ச்சியில் திளைத்துக் கொண்டிருக்கும் வேளையில் அரசி குணவதிக்கு மட்டும் சந்தேகம் துளிர் விட்டுக் கொண்டிருந்தது.

அரசர் தன் அருகில் இருக்கும் போது குணவதி இந்த உலகையே மறந்து விடுவாள்.அவர் அப்பால் சென்றதும் எல்லாவற்றையும் இழந்துவிட்டதாக தவிப்பாள்.ஆனால் அவள் மனதில் மட்டும் சந்தேகம் இருந்து கொண்டே இருந்தது.

வீரசேன திருமூலர் ஒரு ராஜரிஷியை போல ஆட்சி நடத்தினார்.இரவு பொழுதில் ராணி குணவதிக்கு தத்துவ உபதேசங்கள் செய்தார்.நாட்கள் சில கடந்தன.குணவதியோ தன் கணவருக்கு உண்டான வேறுபாட்டிற்கு என்ன காரணம் என்பதை ஆராயத் தொடங்கினாள்.

"என்ன ஆயிற்று இவருக்கு?...ஒரு போதும் தன்னை விட்டு விலகாதவர்,இப்போது கண்டாலே விலகி செல்வதேன்?தத்துவ உபதேசம் வேறு செய்கிறாரே?...செத்து போய் பிழைத்ததில் இருந்து இப்படி அடியோடு மாறிவிட்டாரே....."

வழக்கம் போல் ஒருநாள் இரவு பொழுது வந்தது.அந்தப்புர அறைக்குள் வீரசேனர் நுழைந்ததும் ராணி தன் உள்ளத்திலுள்ளதை முன் வைத்தாள்.

"சுவாமி தாங்கள் யார்?...நாட்டையும் நாட்டு மக்களையும் அடியோடு மாற்றி விட்ட தாங்கள் யார்?தாங்கள் பழைய மகாராஜாவே இல்லை.இதை தங்களுடன் இருக்கும் ஒவ்வொரு நிமிடமும் உணர்ந்தேன்".

"உத்தம கற்புக்கரசியே! நான் உனக்கு உண்மையை சொல்கிறேன் 

கேள்!"என்று நடந்தவை அணைத்தையும் கூறினார்.

"இன்று நீ வீரசேனனின் மனைவி.இந்த உடல் வீரசேனனின் உடல்.இது உனக்கு மட்டுமே சொந்தமானது.உன்னுடைய உடலை எனக்கு சொந்தம் என்று ஒருநாளும் நினைத்ததில்லை.அது வீர சேனனுடையது.நான் வெறும் ஆத்மா.உறவும் அதனால் உண்டான பிணைப்பும் உடலுக்கு மட்டுமே தவிர,உயிருக்கு கிடையாது.உன் கணவன் வீரசேனன் இறந்துவிட்டான்.அன்று நீயும் ஊர் மக்களும் அழுது புலம்புவதை கண்ட நான் மனமிறங்கியே வீரசேனனின் உடலில் புகுந்து கொண்டேன்.அதனால் தான்.வீரசேனனின் உடலோடு உன்னோடு பழகினேன்.தவறென்றால் என்னை மண்ணித்து விடு."

"என் கணவனின் உடலில் புகுந்திருப்பது சித்த புருஷரா?...சுவாமி....தாங்கள்.என்றென்றும் இந்த உடம்பில் இருப்பீர்கள் அல்லவா?..."என்று குணவதி கேட்டாள்.

"அம்மா...உன் கணவரின் இந்த உடம்பு பஞ்ச பூதங்களால் ஆனது.அழிந்து போய் விடும்.அதனால் நான் இந்த உடம்பில் நிரந்தரமாக இருக்க முடியாது.சதுரகிரியில் உள்ள ஒரு குகையில் எனது காயகல்ப உடல் இருக்கிறது.இன்னும் கொஞ்ச நாளில் நான் இங்கிருந்து போய் விடுவேன்"என்று அவளுக்கு பதில் சொன்னார் வீரசேனன் உடம்பிலுள்ள திருமூலர்.

இதை கேட்டு திடுக்கிட்ட குணவதி அதை வெளியே காட்டிக் கொள்ளாமல்,சுவாமி தங்கள் உடம்பு மலையில் காவல் இல்லாமல் இருக்கிறதே....அதற்கு ஏதாவது ஆபத்து வந்து விட்டால் என்ன செய்வது?இதை தங்கள் மீது உள்ள அக்கரையினாள் கேட்கிறேன்"என்றாள் கண்ணீருடன்.

அவள் உண்மையில் அனுதாபத்துடன் தான் கேட்கிறாள் என்று நினைத்த திருமுலன் இரக்கத்தின் காரணமாக உண்மையை சொல்ல ஆரம்பித்தான்.

"கவலை படாதே!குணவதி அதை என் சீடன் குருராஜன் நன்றாக பார்த்துக் கொண்டிருக்கிறான்.எந்த விலங்கும் அதை நெருங்க முடியாது.காரணம் அது நெருப்பு மயமானது...அந்த கற்ப தேகத்தை சாதாரண தீயினால் எரித்துவிட முடியாது.குங்கிலியம்,வெடியுப்பு,வெங்காரம் இவற்றை இடித்து தூளாக்கி அந்த உடலில் பூசி பின் அவ்வுடலை விராலி இலையால் மூடி,விறகு வைத்து எரித்தால் தான் அது சாம்பலாகும்"என்று கூறி அவள் கண்ணீருக்கு முற்றுப்புள்ளி வைத்தார்.

ராணியின் சிந்தனை இப்போது வேறு விதத்தில் வேலை செய்ய ஆரம்பித்தது.நம் கணவர் இறந்து விட்டார்.இப்போது இருப்பதோ சித்த புருஷர்.இந்த உண்மை நம்மை தவிர வேறு யாருக்கும் தெரியாது.இவர் நம்மைவிட்டு பிரிந்து போய் விட்டால் ராணி என்கின்ற அந்தஸ்த்து போய்விடும்.நாம் விதவை கோலம் பெற நேரிடும்.மன்னரின் சிற்றன்னை மகனான தர்மார்த்தன் அரசனாவான்.தன் சுக போக வாழக்கையெல்லாம் நாசமாக போய்விடும்.அதன் பிறகு என் வாழ்க்கை கேள்விக் குறியாகி விடும்.என்ன செய்வது இப்போது?....

ஏன்?....எதற்க்கு?....என்று கேட்காமல் தான் சொல்வதை அப்படியே கேட்கும் அரண்மனை ஊழியர்களை அழைத்தாள்.சதுரகிரி மலை குகையில் வைத்திருக்கும் சித்தரின் உடலை தேடி கண்டுபிடித்து அழித்துவிடும் படி இரகசியமாக கட்டளை இட்டாள்.அரண்மனை விசுவாசிகள் இராணி சொன்ன செயலை அச்சு பிசங்காமல் செய்து முடித்து விட்டார்கள்.

குகையில் குருநாதரின் உடலுக்கு காவலனாய் இருந்த சீடன் குருராஜன் வருடக்கணக்கில் காத்திருந்து குருவிற்கு என்ன ஆயிற்றோ....என்று அவரை தேடி கொண்டு சென்ற வேளையில் இவ்வளவு வேலையும் செய்து முடிக்கப்பட்டு விட்டது.சித்தரின் காய கல்ப தேகம் அழிந்தது.இனிமேல் அவர் நம்முடனே இருப்பார் என்கின்ற சந்தோஷக் கடலில் மிகுந்த ராணி எதையும் வெளிக்காட்டி கொள்ளாமல் எப்போதும் போல் திருமூலரிடம் இயல்பாகவே இருக்க ஆரம்பித்தாள்.

இராணியின் நடவடிக்கைகள் சித்தருக்கு சந்தேகத்தை ஏற்படுத்தவே ஒரு நாள் வேட்டைக்குப் போவது போல் கிளம்பி சதுரகிரி மலைக்கு சென்று தன் உடல் வைத்துள்ள இடத்திற்கு சென்றார்.வழியில் குருராஜன் எதிர்படவே அவனையும் அழைத்துக் கொண்டு குகைக்குள் சென்றார்.

காயகல்ப உடம்பை காணவில்லை சித்த புருஷர் நடந்தவற்றை  உணர்ந்தார்.

குணவதி துரோகம் செய்திருந்தாலும் வீரசேனன் உடலில் இருக்கும் தான் அவளுக்கு துரோகம் செய்ய கூடாது என்று தீர்மானித்தார்.

அன்றிலிருந்து தத்துவ உபதேசங்கள் செய்வது நிறுத்தினார்.குணவதி எத்தனையோ முயற்ச்சி செய்தும்ஷபயனில்லை.உடல்நிலை சரியில்லாத காரணத்தால் மன்னர் சிறிது காலம் ஓய்வு எடுத்துக் கொள்வார் என்றும்,அதனால் மகாராணியே நாட்டை ஆளும் பொறுப்பை ஏற்றுக் கொள்வார் என்றும் பிரகடனம் செய்தார்.

அரசரின் இந்த பிரகடனம் அரசியை திடுக்கிட வைத்தது.திருமூலரிடம் சென்று "ஏன் இந்த திடீர் முடிவு?...."என்று வினவினாள்.

சித்தர் சிரித்து கொண்டரே தவிர பதில் சொல்லவில்லை.

இனியும் எதையும் மறைப்பதில் பயனில்லை என்று எண்ணிய மகாராணி தன் சுயநலச் செயலைக் கூறி தன்னை மன்னிக்கும் படி கண்ணீர் விட்டு அழுதார்.

குணவதியின் கண்ணீரை கண்டு மனம் இரங்கினார் திருமூலர்.அவள் நிலையில் இருந்து பார்த்தால் அவள் செய்தது சரியென்றே பட்டது.எந்த மனைவி தன் கணவனை பிரிந்து வாழ ஆசைப்படுவாள்?....இருந்தாலும் நம்பிக்கை துரோகம் கூடாதல்லவா?...இன்னும் சிறிது காலம் இருக்க கூடிய அவளை நாம் ஏன் நோகடிக்க வேண்டும் என்று எண்ணியவராய்,"சரி அழாதே...என்ன வரம் வேண்டும் கேள்"என்றார்.

ராணியும் தயங்காமல் சித்தர் என்றென்றும் வீரசேனன் உடலில் தன்னுடனே தங்கி விட வேண்டும் என்ற ஆசையில் தான் என்றைக்கும் தீர்க்க சுமங்கலியாக இருக்க வேண்டும் என்று கேட்டாள்.சித்தரும் அவள் கோரிய வரத்தை அளித்தார்.

சித்தர் வாக்குப் பொய்க்காது அல்லவா?...இனி வீரசேன மகாராஜா தன்னை விட்டு போக மாட்டார் என்று மகிழ்ந்தாள் ராணி.ஒரு நாள் இரவு....ஊரே உறங்கி கிடந்தது.வீரசேன திருமூலர் யாருக்கும் தெரியாமல் அரண்மனையை விட்டு வெளியேறி சதுரகிரி நோக்கி போனார்.பொழுது பு புலரும் வேளை.நதியில் நீராடிக் கரை ஏறியவர் அங்கே அந்தனர் ஒருவர் அசையாமல் கற்சிலையை போல் உட்காந்திருப்பதை பார்த்து வியப்படைந்து அவனருகே சென்று பார்த்து வியப்படைந்து அவனருகே சென்று பார்த்த போது அவன் கண்கள் நிலைத்து போய் இருப்பதை கண்டார்.மூச்சு இயங்கவில்லை.தொட்டவுடனே அவன் உடல் அப்படியே கீழே விழுந்தது.ஆம்.அவன் எப்போதோ இறந்து விட்டிருந்தான்.

ஜம்புகேஸ்வரம் எனும் திருவானைக் கோவிலில் இருந்த ஜம்புகேஸ்வரர் என்னும் அந்த அந்தணன் பிராணயாமப் பயிற்ச்சியை மேற்கொள்வதற்காக சதுரகிரியை அடைந்து குருவின் துணையின்றி முரட்டுத்தனமாகப் பயிற்சியை மேற்கொண்டான்.தன்னை அடக்க முயன்றவனை அடக்கி விட்டு மூச்சு பறந்து விட்டது.

வீரசேனன் தன் அரச உடம்பை விட்டு விட்டு அந்தண உடம்பில் நுழையத் தீர்மானித்தார்.

கூடவே குணவதிக்குத் தாம் அளித்த வாக்குறுதியும் நினைவுக்கு வந்தது.வீரசேனன் உடலை சிரஞ்சீவத் தன்மை உடையதாக்க நினைத்தார்.அப்போது தானே அவள் நித்திய சுமங்கலியாக இருக்க முடியும்.

அரச உடலை எங்கே விட வேண்டும் என்று தீர்மானித்த போது அங்கிருந்த "யானை உண்டி"எனும் பெருத்த மரமொன்று தென்பட்டது.அந்த மரத்தில் பெரிய பொந்து ஒன்று தென்பட்டது.

வீரசேனத் திருமூலர் மர பொந்துக்குள் நுழைந்து உட்கார்ந்தவர் மன்னரின் உடலை அங்கேயே விட்டு விட்டு ஜம்புகேஸ்வரம் உடம்பில் நுழைந்தார்.(இது அவரின் மூன்றாவது உடம்பில் கூடு விட்டு கூடு பாயும் செயல்).

ஜம்புகேஸ்வர திருமூலர் எழுந்தார்.எழுந்ததும் ஜோதி மரத்தின் பூக்களை பறித்து,அதனுடன் சில மூலிகைகளை சேர்த்து நன்றாக குழைய அரைத்து அந்தக் கரைசலில் மந்திர சக்தியை ஏற்றி கரைசலை மரப் பொந்திலுள்ள அரசனின் உடலில் பூசினார்.மரத்தின் மேற்புறத்தை மரப்பட்டைகள்,இலைகள்,கிளைகள் முதலியவற்றை கொண்டு மூடினார்.பின்னர் சில மந்திரங்களை உச்சரித்தவுடன் மர பொந்து மூடிக் கொண்டது.

இனிமேல் யாரும் இந்த அரசனின் உடம்பைப் பார்க்க முடியாது.அரச உடம்பு  இருக்கும் மரம் அரச மரம் என்றே அழைக்கப்படும் என்று சொல்லி விட்டு சதுரகிரியில் ஒரு குகைக்குள் இருந்து சானைகள் பல செய்து மறுபடியும் தேகத்தைக் காய கல்ப தேகமாக ஆக்கிக் கொண்டார்.

சதுரகிரியில் குருராஜனுடன்(சீடன்) சேர்ந்து இன்னும் பல சீடர்கள் அவரிடம் சேர்ந்தனர்.சதுரகிரி ஒரு தவச்சாலையாக திகழ்ந்தது.ஜம்புகேஸத் திருமூலர் அவர் நல்வழி காட்டினார்.இன்னும் அவர் சதுரகிரியில் இருப்பதாக பெரியோர்கள் சொல்லக் கேள்வி.

வீரசேன திருமூலரை பிரிந்து வருத்த முற்றிருந்த குணவதி ஒருவாறு தன்னை தேற்றிக் கொண்டு தர்மார்த்தன் -தனமதி,ஆரசேனன்-சுகமதி முதலியோருடன் சதுரகிரி மலையில் இருக்கும் ஜம்புகேஸ்வர திருமூலரை தரிசிக்க சென்றாள்.

ஜம்புகேஸ்வர திருமூலர் தாம் யாரென்று அவளுக்கு தெரியாத நிலையில் அவளது குறைகளை கேட்டறிய அவள் தன்னை விட்டு பிரிந்த சித்தயோகியான தன் கணவரை பற்றி விபரம் தமக்கு தெரிவிக்க வேண்டும் என்றும்,மீண்டும் அவருடன் சேர்ந்து வாழ வழி செய்யுமாறு வேண்டினாள்.

மீண்டுமொரு பந்தத்தை தொடர விரும்பவில்லை ஜம்புகேஸ்வர திருமூலர்.அவள் கணவர் தம் சக்தியால் அரசமரமாக உருமாறியுள்ளான் என்றும் அவள் அரசமரத்தை பூஜை செய்வதினால் அவள் பதி சேவையை அடைந்ததன் பலனை அடைய முடியும் என்று அருளாசி வழங்கினார்.

தான் செய்த சிறு தவறு தன் வாழ்க்கையில் மிகப் பெரிய இழப்பை ஏற்படுத்தி விட்டதை எண்ணி வருந்திய குணவதி அந்த அரச மரத்தினை வணங்கி,பல முனிவர்களையும் தரிசித்து விட்டு பின் நாடு திரும்பினாள்.

மேருமலை வடபாகத்தில் மடையை அடுத்திருந்த வனத்தில் தாருமூலர் யாகம் செய்தார்.உலக ஆசைகளை துறந்து வினைபயன்களையும் விட்டு,தமக்கு தொண்டு புரிந்த சித்தர்களுக்கும்,மார்கண்டேயனுக்கும்,கண்ணபிரானுக்கும் உபதேசம் செய்தார்.

...யடவிடக்கும் சென்று தானும்
பண்டுளவு கிருஷ்ண பூபாலனுக்கு
பார்தனில் உபதேசம் செய்தார்...

கிருஷ்ணன் இருந்த துவாபரயுகத்தில்,மகாபாரத காலத்தில் திருமூலரும் இருந்தார் என்று ஆய்வாளர்கள் குறிப்பிடுகின்றனர்.

திருமூலர் கைலாயத்திலிருந்து புறப்பட்டு வரும் வழியில் மகாநதி( பூரி ஜெகன்னாதம்)அருகில் துவாரபுரி அரசன் கண்ணன் ஒரு வேடனால் கொல்லப்பட்டு,அவ்வேடன் கண்ணனின் உடலை சிதையில் வைத்து கொளுத்தி விட்டு போய் விட,உடனே பெருமழை பெய்ய கருகிய கால்களை உடைய கண்ணனின் உடம்பானது வெள்ளத்தால் அடித்து கொண்டு போகபட்டு பூரிக்கு பக்கத்தில் கரை ஒதுங்கியது.அவ்வூரார் கண்ணனை இனம் கண்டு அடக்கம் செய்து கோவில் அமைத்தார்கள் என்றும் அதுவே பூரி ஜெகன்னாதர் கோவில் என்றும் கூறப்படுகிறது.

இச்சம்பவத்தை திருமூலரே கண்டதாகவும் சொல்லப்படுகிறது.புராணங்களிலும் இதிகாசங்களிலும் இல்லாத இச் செய்தியை அகத்தியர் மட்டுமே தருகிறார்.திருமூலர் எண்ணாயிரம் திருமந்திரம் இயற்றியதாக அகத்தியர் தமது கௌடிய சாரகம் என்னும் நூலில் கூறியுள்ளார்.அகத்தியர் 12000 முதல் காண்டத்தில் திருமூலர் இயற்றிய நூல்கள் காணப்படுகின்றன.

N2R NandhakumaR

Channel N2R

ஸ்ரீ தியாகராஜர் அரிதான படம்

சங்கீத மும்மூர்த்திகளில் ஒருவரான ஶ்ரீ தியாகராஜர் உருவத்தில் எப்படி இருந்திருப்பார் என்று பலர் நினைத்திருப்பார்கள். இங்கே உள்ள நிழற்படம் 1847ஆம் ஆண்டு ஆங்கிலேயர் ஒருவரால் (William Russell) படம் பிடிக்கப்பட்டதென அறிகிறோம். வெளிச்சுற்றில் வர இத்தனை ஆண்டுகளாகி உள்ளது. 

சன்னியாச தீட்சை வாங்கிக்கொண்ட பிறகு உஞ்சவிருத்தி எடுத்து ஜீவனம் செய்தவர். பணத்தைப் புகழை விரும்பாதவர். ராம நாமத்தை இறுதிவரை கோடி ஜெபம் செய்தவர். அப்படி இருந்த அவர் திருமண் நாமம் தரிக்கிமல் விபூதி பூசியுள்ளாரே என்று நீங்கள் நினைக்கலாம். அவர் வைணவர் அல்ல, சைவர்தான். தெலுங்கு முலக்கநாடு பிரிவு ஸ்மார்த்த ஐயர். சரபோஜி மன்னர் காலத்தில் வாழ்ந்தவர். 'அபிராமி அந்தாதி' சுப்ரமணிய பட்டருக்குச் சமகாலத்தவர். அவருக்கு இராமன் மீது அலாதி பிரியம். சுமார் 700 கீர்த்தனைகளுக்கு மேல் இயற்றினார் என்றும் அதில் குறைவான எண்ணிக்கையே கிடைத்தது என ஆய்வு சொல்கிறது. இவர் இராமர்-சீதையை நேரில் கண்டு தரிசித்தவர். இவர் சித்தியான திருவையாறு தலத்தில் அவர் சமாதிக்கு முன்பாக ஆண்டு தோறும் பஞ்சரத்ன கீர்த்தனைகளை இசைத்துப் பாடி அஞ்சலி செலுத்துவார்கள்.

இவர் விபூதியைத் தரித்த விதம் பலருக்கும் வியப்பைத் தரும். விபூதி /பஸ்ம தாரணத்தில் 5, 8,16, 32 எண்ணிக்கையில் திரிபுண்டரமாக உடலெங்கும் இடுவதுண்டு. இப்போது வெகு சிலரே இவ்வாறு நீறணிவதைப் பார்த்துள்ளேன். சிவதீட்சைப் பெற்றவர்கள் விபூதியைக் குழைத்துத் தரிப்பார்கள். நாம் எல்லோரும் வெறுமனே நெற்றியில் ஒற்றை வசக்கோடாகவோ, திரிபுண்டரமாகவோ, உத்தூளனமாகவோ அணிவதோடு சரி. விரலில் அதிகம் படிந்திருந்தால் போனால் போகிறதென்று தொண்டையில் பூசுகிறோம். 😊

Channel N2R

N2R NandhakumaR

தமிழ்ப் பெண் குழந்தை பெயர்கள்

Channel N2R

அ

அகல்விழி , அருள்மொழித்தேவி , அழகுதெய்வாணை , அகநகை , அருளரசி , அழகுநங்கை , அகமுடைநங்கை , அருளம்மை , அழகியபெரியவள் , அகவழகி , அருளம்மா , அறம் , அங்கயற்கண்ணி , அருள் , அறம் வளர்த்தாள் , அஞ்சம்மாள் , அருள்விழி , அறம் வளர்த்த நாயகி , அஞ்சலை , அருள்மங்கை , அறச்செல்வி , அஞ்சளையம்மா , அருள்மணி , அறப்பாவை , அஞ்சொலி , அருள்நெறி , அறவல்லி , அடைக்கலம் , அருள்வடிவு , அறிவுக்கரசி , அணிசடை , அருட்கொடி , அறிவுக்கனி , அணிமாலை , அருளழகி , அறிவுச்சுடர் , அம்மங்கை , அருளாழி , அறிவுமணி , அம்மணி , அருளி , அறிவுநிதி , அம்மாக்கண்ணு , அருட்செல்வி , அறிவுமதி , அம்மாக்குட்டி , அருவி , அறிவுடைநங்கை , அமிழ்தம் , அருமைச்செல்வி , அறிவழகி , அமிழ்தமொழி , அருமையரசி , அறிவுடையரசி , அமிழ்தரசு , அருமைநாயகி , அறிவுக்கொடி , அமிழ்தவல்லி , அல்லி , அறிவொளி , அமுதம் , அல்லியரசி , அன்பு , அமுதா, அல்லிக்கொடி, அன்புப்பழம், அமுதவாணி, அல்லியங்கோதை, அன்புமணி, அமுதவல்லி, அல்லிவிழி, அன்புச்செல்வி, அமுதசுரபி, அலர்மேல்மங்கை , அன்பரசி, அமுதரசி, அலர்மேல்வல்லி, அன்பழகி, அமுது, அலர்மேலு, அன்புக்கொடி , அமுதினி , அலைவாய்மொழி , அன்புமொழி , அமைதி , அவ்வை , அன்னம் , அமைதோளி , அழகி , அன்னம்மா , அரங்கநாயகி , அழகரசி , அன்னக்கிளி , அரசி , அழகம்மை , அன்னக்கொடி , அரசக்கனி , அழகம்மாள் , அன்னத்தாய் , அரசநாயகி , அழகுடைச்செல்வி , அன்னப்பழம் , அரசர்க்கரசி , அழகுடைநங்கை , அன்னமணி , அரியநாயகி , அழகுமணி , அருஞ்செல்வி , அழகுநிலா , அருண்மொழி , அழகுமுத்து , அருள்மொழி , அழகுமுத்துமணி 

ஆ

ஆடலரசி , ஆதிமுத்து , ஆழ்வார் திருமங்கை , ஆடவல்லாள் , ஆதிமணி , ஆழ்வார் நங்கை , ஆடலழகி , ஆயிரக்கண்ணு , ஆழ்வார் நாயகி , ஆடற்செல்வி , ஆராவமுது , ஆழ்வாரம்மை , ஆண்டாள் , ஆராயி , ஆறுமுகத்தாய் , ஆதி , ஆவுடை நாயகி , ஆறுமுகவல்லி , ஆதிமந்தி , ஆவுடை நங்கை , ஆதிரை , ஆவுடையம்மா 

இ 

இசை , இயற்கைஒளி , இளநகை , இசைச்செல்வி , இயற்றமிழ் செல்வி , இளநங்கை , இசைஞானி , இலக்கியம் , இளமங்கை , இசையமுது , இளங்கண்ணி , இளையவல்லி , இசையரசி , இளங்கன்னி , இறைவி , இசைவாணி , இளங்கிளி , இறைஎழிலி , இசையழகி , இளங்குமரி , இறையரசி , இந்திரை , இளங்குயில் , இறைமுதல்வி , இந்திரதேவி , இளஞ்சித்திரை , இறைநங்கை , இமயமடந்தை , இளஞ்செல்வி , இன்பக்குரல் , இயலரசி , இளநிலா , இன்பக்கிளி , இயற்கை , இளம்பிறைக்கண்ணி , இன்பவல்லி , இயற்கையரசி , இளமதி , இன்பக்கனி , இயற்கைச்செல்வி , இளமயில் , இன்மொழி , இயற்கைநங்கை , இளம்பிறை , இன்முல்லை , இயற்கைதேவி , இளநாச்சி , இன்னமுது , இயற்கைமகள் , இளந்தத்தை , இனியள் , இயற்கைமுதல்வி , இளந்தென்றல் , இயற்கைவாணி , இளந்தேவி , இயற்கைமங்கை , இளவரசி , இயற்கைவல்லி , இளவழகி , இயற்கைமணி , இளவெயினி 

ஈ 

ஈகவரசி , ஈழவாணி , ஈகையரசி , ஈழத்தரசி , ஈழமதி , ஈதலரசி , ஈழமணி , ஈழநிதி , ஈழச்செல்வி , ஈழமுத்து , ஈழக்கதிர் , ஈழமின்னல் , ஈழஎழில் 

உ

உலகமுதல்வி , உலகமதி , உயிர்த்துணை, உலகநாயகி , உலகநிதி , உயர்வரசி , உலகநங்கை , உமையரசி , ஊக்கச்செல்வி , உலகிறைவி , உமையாள் , ஊழிமுதல்வி 

எ 

எண்டோள்வல்லி , எழில்வடிவு , எழிலோவியம் , எல்லம்மா , எழில்முதல்வி , எழிற்செல்வி , எழில் , எழிலம்மை , எழில்நிலா, எழிலரசி 

ஏ

ஏலம்மாள் , ஏழிசைநங்கை , ஏழிசைவல்லி , ஏலவார் குழலி , ஏழிசைப்பாவை , ஏழிசைவாணி , ஏழிசை இறைவி , ஏழிசைமகள் , ஏழிசைமுத்து , ஏழிசை எழிலி , ஏழிசைமங்கை , ஏழிசைச்சுடர் , ஏழிசை ஒளி , ஏழிசைமணி , ஏழிசைநிதி , ஏழிசைச் செல்வி , ஏழிசைமுதல்வி , ஏழிசைமதி , ஏழிசை தங்கை , ஏழிசையரசி , ஏழிசைத்தேவி , ஏழிசையழகி 

ஐ 

ஐயை , ஐயம்மாள் , ஐவணம் 

ஒ 

ஒண்டமிழரசி , ஒலிநிலா , ஒலியரசி , ஒப்பிலழகி , ஒலிமகள் , ஒலியலழகி , ஒப்பிலாமணி , ஒலிமங்கை, ஒலிவல்லி, ஒப்பிலாமொழி, ஒலிமலர், ஒலிவாணி, ஒப்பிலாநங்கை, ஒலிமணி, ஒலிஇறைவி, ஒப்பிலாஅழகி, ஒலிமுதல்வி, ஒலிக்கொடி , ஒருமாமணி , ஒளிவடிவு , ஒலிச்செல்வி , ஒலிஇறைவி , ஒலிவல்லி , ஒலித்தேவி , ஒலிஎழிலி , ஒண்டமிழரசி , ஒலிநிலா , ஒலிச்செல்வி , ஒப்பிலழகி , ஒலிமகள் , ஒலித்தங்கை , ஒப்பிலாமணி , ஒலிமங்கை , ஒலித்தேவி , ஒப்பிலாமொழி , ஒலிமலர் , ஒலிநங்கை , ஒப்பிலாநங்கை , ஒலிமணி , ஒலிப்பாவை , ஒப்பிலாஅழகி , ஒலிமுதல்வி , ஒலிமகள் , ஒருமாமணி, ஒளிவடிவு , ஒலிமணி , ஒலிஇறைவி, ஒலிவல்லி , ஒலிமுகிலி , ஒலிஎழிலி , ஒலியரசி , ஒலிச்செல்வி , ஒலியலழகி , ஒலித்தங்கை , ஒலிவல்லி , ஒலித்தேவி , ஒலிவாணி , ஒலிநங்கை , ஒலிஇறைவி , ஒலிப்பாவை , ஒலிக்கொடி , ஒலிமகள் , ஒலிச்செல்வி , ஒலிமணி , ஒலித்தேவி , ஒலிமுகிலி 

ஓ 

ஓவியம் , ஓவியச்செல்வி , அவ்வை , ஓவியர் , ஓவியப்பாவை , அவ்வையாரம்மா 

க 

கடல் அரசி , கதிர்ச்செல்வி , கலையரசி , கடல் அழகி , கதிர்மதி , கலைவாணி , கடற்கண்ணி , கதிர்நிதி , கலையழகி , கடல்வாணி , கதிர்நகை , கலைமகள் , கடற்கனி , கதிரொளி , கலைமலர் , கண்ணம்மை , கப்பற்செல்வி , கலைமணி , கண்ணம்மா , கயற்விழி , கலைமான் , கண்ணகி , கயற்கண்ணி , கன்னல் , கண்ணழகி , கயற்கொடி , கன்னல்செல்வி , கண்ணாத்தாள் , கயமலர்க்கண்ணி , கன்னல்மொழி , கண்ணிமை , கருங்குழலி , கன்னியம்மா , கண்ணியம்மை , கரும்பாயி , கனிமொழி , கண்ணுக்கினியாள் , கருத்தழகி, கண்மணி , கருத்தகிளி, கதிர், கருத்தம்மை, கதிர்மணி, கருத்தம்மா, கதிர்வாணி, கருமாரி 

கா 

காக்கைபாடினி , கார்குழலி , காவிரி , காசியம்மாள் , கார்முகிலி , காவேரி , காத்தாயி , கார்முகில் , காளியம்மை , காந்திமதி , காவற்பெண்டு , காளியம்மா , காமக்கண்ணி , காவியங்கண்ணி , காயாம்பூ 

கி 

கிள்ளைமொழி , கிளியம்மா , கிளியேந்தி , கிளிக்கண்ணு , கிளிமொழி 

கு 

குஞ்சம்மை , குமரிமுத்து , குறள்மொழி , குஞ்சம்மா , குமரிவல்லி , குறளமுது , குட்டி , குமரியரசி , குறிஞ்சி , குட்டியம்மா , குமரிமாலை , குறிஞ்சிஇறைவி , குடியரசு , குமரிவாணி , குறிஞ்சிஎழிலி , குடியரசி , குமரிநிதி , குறிஞ்சிச்செல்வி , குணமாலை , குமரிமதி , குறிஞ்சிநங்கை , குணவழகி , குமரிமணி , குறிஞ்சித்தங்கை , குணமொழி , குமரிப்பாவை , குறிஞ்சித்தேவி , குணநாயகி , குமரிமாணிக்கம் , குறிஞ்சிப்பாவை , குணவல்லி , குமுதம் , குறிஞ்சிமகள் , குணச்செல்வி , குமுதினி , குறிஞ்சிமங்கை , குணவாணி , குமுதவல்லி , குறிஞ்சிமணி , குணமதி , குமுதவாயாள் , குறிஞ்சிமலர் , குணநிதி , குயில் , குறிஞ்சிமுகிலி , குணக்கொடி , குயிலி , குறிஞ்சிமுதல்வி , குணவரசி , குயில்மொழி , குறிஞ்சியரசி , குணமணி , குருவம்மா , குறிஞ்சியழகி , குணமொழி , குருமாணிக்கம் , குறிஞ்சிவல்லி , குணப்பாவை , குலக்கொடி , குறிஞ்சிவாணி , குணமாணிக்கம் , குலக்கொழுந்து , குணக்கண்ணி , குலமாணிக்கம் , குணவொளி , குலவாணி , குணமுத்து , குலமுத்து , குப்பாயி , குலமணி , குப்பம்மாள் , குலநிதி , குமரி , குலமதி , குமரியம்மா , குழலி , குமரிக்கொடி , குழல்வாய் , குமரிச்செல்வி , குழல்வாய்மொழி 

கூ 

கூந்தலழகி , கூந்தல்பிறை 

கொ 

கொங்கச்செல்வி , கொன்றைவாணி , கொன்றைமுத்து , கொல்லிப்பாவை , கொன்றைசூடி , கொன்றைநிதி , கொழுந்து , கொன்றையரசி , கொன்றைமதி , கொழுந்தம்மாள் , கொன்றைமகள் , கொன்றைமாணிக்கம் , கொளஞ்சியம்மை , கொன்றைப்பாவை , கொன்றைமொழி , கொளஞ்சியம்மா , கொன்றைநங்கை , கொற்றவைச்செல்வி , கொற்றவை, கொன்றைகொண்டான், கொன்றை, கொன்றைஎழிலி, கொன்றைச்செல்வி, கொன்றைமணி 

கோ 

கோதை , கோமதி , கோவழகி , கோதைநாயகி , கோமதி நாயகி , கோப்பெரும்பெண்டு , கோதையம்மாள் , கோலவிழி , கோமகள் , கோவரசி 

ச 

சங்கு , சடையம்மா , சரிவார்குழவி , சங்கிலி , சடைச்சி , சண்பகம் , சங்கிலிநாச்சியார் , சடையன்செல்வி , சண்பகவல்லி , சடை , சந்தச்செல்வி 

சா 

சாவினி 

சி 

சிட்டு , சித்திரப்பாவை , சிலம்புமலர் , சிந்தாமணி , சிவக்கொழுந்து , சிலம்புவல்லி , சிந்தாதேவி , சிவகாமவல்லி , சிலம்புநிதி , சிந்து , சிவசங்கு , சிலம்புமதி , சித்திரை , சிவமாலை , சிலையழகி , சித்திரைச்செல்வி , சிவந்தி , சிறைச்செல்வி , சித்திரைவாணி , சிவவடிவு , சிறைவாணி , சித்திரைமணி , சிலம்பரசி , சிறைமுத்து , சித்திரைமுத்து , சிலம்பாயி , சிறைமணி , சித்திரைநாயகி , சிலம்புச்செல்வி , சிறைநாயகி , சித்திரையழகி , சிலம்பொலி , சிறைமாலை , சித்திரைநங்கை , சிலம்பவாணி , சிறைப்பாவை , சித்திரைமகள் , சிலம்புத்தேவி , சின்னம்மை , சித்திரைதேவி , சிலம்புநங்கை , சின்னம்மாள் , சித்திரைப்பாவை , சிலம்புமங்கை , சின்னத்தாய் , சித்திரைமங்கை , சிலம்புப்பாவை , சின்னமணி , சித்திரைவிழி , சிலம்புமகள் , சின்னமுத்து , சித்திரைமதி , சிலம்புமணி , சித்திரைநிதி , சிலம்புமுத்து , சித்திரைவல்லி , சிலம்பம்மை 

சு 

சுடர் , சுடர்ப்பாவை , சுடர்நாயகி , சுடர்மணி , சுடர்மதி , சுடர்விழி , சுடர்முத்து , சுடர்நிதி , சுடர்மாலை , சுடர்வாணி , சுடர்மலர் , சுடர்க்கொடி , சுடர்தேவி , சுடராயி , சுரும்பார்குழலி , சுடர்செல்வி , சுடரொளி , சுடர்த்தாய் , சுடர்தொடி , சுடர்மகள் , சுடர்குழலி 

சூ 

சூடாமணி, சூடிக்கொடுத்தாள், சூடாமலர், சூளாமணி 

செ 

செங்கண்ணி , செந்தமிழ்க்குழலி , செந்தாமரைவாணி , செங்கனி , செந்தமிழ்ப்பொழில் , செந்தாமரைக்கொடி , செங்கனிவாய் , செந்தமிழ்ச்சோலை , செந்தாமரைநாயகி , செங்கனிமொழி , செந்தமிழ்க்கோதை , செந்தாமரைவிழி , செங்கனிவாயாள் , செந்தமிழமுது , செந்தாமரைமொழி , செங்காந்தாள் , செந்தமிளொளி , செந்தாமரையம்மா , செங்கொடி , செந்தமிழ்மகள் , செந்தாமரைதேவி , செங்கொடிச்செல்வி , செந்தமிழ்க்குமரி , செந்தாழை , செங்கொடிமுத்து , செந்தமிழருவி , செம்பியன்செல்வி , செங்கொடிமணி , செந்தமிழ்ச்சிலை , செம்பியன்தேவி , செங்கொடிமாலை , செந்தமிழ்ப்பிரியாள் , செம்பியன்மாதேவி , செங்கொடிப்பாவை , செந்தமிழ்க்கண்ணி , செம்பியன்நாயகி , செங்கொடிநிதி , செந்தமிழ்முடியாள் , செம்மலர் , செங்கொடிமதி , செந்தமிழ்நாச்சி , செம்மலர்ச்செல்வி , செந்தமிழ் , செந்தமிழ்முல்லை , செம்மலர்க்கொடி , செந்தமிழ்ச்செல்வி , செந்தமிழ்முதல்வி , செம்மலர்க்கொழுந்து , செந்தமிழரசி , செந்தமிழ்ப்பிறை , செம்மலர்மணி , செந்தமிழ்நாயகி , செந்தமிழலகு , செம்மலர்ச்சுடர் , செந்தமிழ்மணி , செந்தமிலோவியம் , செம்மலர்நிதி , செந்தமிழ்முத்து , செந்திற்செல்வி , செம்மலர்மதி , செந்தமிழ்நிதி , செந்திரு , செம்மலர்ப்பூ , செந்தமிழ்மதி , செந்தில்வடிவு , செம்மலர்மாலை , செந்தமிழ்வல்லி , செந்தில்நாயகி , செம்மனச்செல்வி , செந்தமிழ்ப்பாவை , செந்தில்மணி , செம்மொழி , செந்தமிழ்நங்கை , செந்தில்முத்து , செய்தாக்கொழுந்து , செந்தமிழ்மங்கை , செந்தில்சுடர் , செல்லக்கிளி , செந்தமிழ்க்கொடி , செந்தில்கொடி , செல்லம் , செந்தமிழ்த்தேவி , செந்தில்மதி , செல்லம்மா , செந்தமிழ்க்கொழுந்து , செந்தில்நிதி , செல்லம்மாள் , செந்தமிழ்ச்சுடர் , செந்திலரசி , செல்லத்தரசி , செந்தமிழ்க்கிளி , செந்தில்வல்லி , செல்லத்தாய் , செந்தமிழ்மலர் , செந்திற்பாவை , செல்லக்கண்ணி , செந்தமிழ்க்கலை , செந்திற்கொழுந்து , செல்லி , செந்தமிழ்க்கனி , செந்தில்மலர் , செல்வி , செந்தமிழ்ப்பழம் , செந்தில்வாணி , செல்வக்கொடி , செந்தமிழ்வாணி , செந்தாமரை , செல்லக்கோடி , செந்தமிழ்த்தாய் , செந்தாமரைச்செல்வி , செல்வநாயகி , செந்தமிழ்ப்பூ , செந்தாமரைக்கண்ணி , செவ்வந்தி , செந்தமிழ்மொழி , செந்தாமரைச்சுடர் , செவ்வல்லி , செந்தமிழ்விழி , செந்தாமரை மணி , செவ்விழி , செந்தமிழ்மாலை , செந்தாமரைவல்லி , செந்தமிழ்வடிவு , செந்தாமரையரசி 

சே 

சேரன்செல்வி, சேரமாதேவி 

ஞா 

ஞானம் , ஞானமணி , ஞானக்கொழுந்து , ஞானச்செல்வி , ஞானக்கொடி , ஞானமுகில் , ஞானப்பழம் , ஞானப்பழம் , ஞானஎழில் , ஞானமலர் , ஞானக்கனி , ஞானக்கலை , ஞானவடிவு , ஞானத்தரசி , ஞானப்பிறை , ஞானி , ஞானமொழி , ஞானப்பூ , ஞானவல்லி 

த 

தங்கம் , தமிழ்ப்புனல் , தமிழமுது , தங்கம்மா , தமிழ்ப்பொழில் , தமிழின்பம் , தங்கமாலை , தமிழ்மகள் , தமிழினி , தங்கவல்லி , தமிழ்மங்கை , தவக்கனி , தங்கவடிவு , தமிழ்க்கொழுந்து , தவமணி , தங்கப்பழம் , தமிழ்ப்பழம் , தவச்செல்வி , தங்கநிதி , தமிழ்க்கனி , தவக்கொடி , தங்கக்கொடி , தமிழ்மொழி , தவமாலை , தங்கமணி , தமிழ்விழி , தவநிதி , தங்கச்சுடர் , தமிழ்நிதி , தவமதி , தங்கவாணி , தமிழ்மதி , தவக்கலை , தங்கச்செல்வி , தமிழெலில் , தவக்கனி , தங்கயெழில் , தமிழ்வாணி , தவமொழி , தங்கமுகில் , தமிழ்க்கொடி , தவமலர் , தஞ்சைவாணி , தமிழ்ச்சுடர் , தவக்கொழுந்து , தஞ்சைவடிவு , தமிழ்வல்லி , தன்மானம் , தஞ்சைக்கொடி , தமிழ்மாலை , தனிக்கொடி , தடங்கண்ணி , தமிழ்க்கண்ணி , தண்ணொளி , தமிழ்மணி , தண்மதி , தமிழ்ப்பாவை , தணிகைச்செல்வி , தமிழ்முத்து , தணிகைக்கொடி , தமிழ்க்கிளி , தணிகைவடிவு , தமிழ்மலர் , தணிகைமணி , தமிழ்க்கோதை , தமிழ்இறைவி, தமிழ்க்குமரி, தமிழ்எழிலி, தமிழ்தேவி, தமிழ்க்கலை, தமிழ்முத்து, தமிழ்ச்செல்வி, தமிழ்ப்பிறை, தமிழ்ச்சோலை, தமிழ்முல்லை , தமிழ்த்தங்கை , தமிழோவியம் , தமிழ்நங்கை , தமிழ்க்குழவி , தமிழ்த்தென்றல் , தமிழ்ப்பிரியாள் , தமிழ்த்தேவி , தமிழ்ஒளி , தமிழ்ப்பாவை , தமிழரசி , தமிழ்க்கூத்தி , தமிழழகி 

தா 

தாமரை , தாமரைவாணி , தாயம்மா , தாமரைச்செல்வி , தாமரைநாயகி , தாயாரம்மா , தாமரைக்கண்ணி , தாமரைதேவி , தாழ்குழலி , தாமரைமலர் , தாயம்மை 

தி 

திருமகன் , திருமொழி , தில்லைவாணி , திருமணி , திருவளர்செல்வி , தில்லைவடிவு , திருவரசி , திருவருள் , தில்லையம்மா , திருமலர் , திருவிடச்செல்வி , திருமாமணி , தில்லை 

து 

துணைமாலை , துளசிமணி , துளசியம்மாள் , துளசி , துளசிமாலை 

தூ 

தூயவள், தூயமலர், தூயமணி, தூயச்சுடர் 

தெ 

தெய்வச்சிலை , தென்செல்வி , தென்றல் , தெய்வயானை , தென்கொடி , தென்னவன்செல்வி , தெய்வானை , தென்மலர் , தென்னவன்தேவி , தென்குமரி , தென்மாலை , தென்முத்து , தென்குமரி 

தே 

தேன்மொழி , தேவமணி , தேவி , தேன்குழலி , தேவசுடர் , தேன்தமிழ் , தேனருவி , தேவமலர் , தேனம்மா 

தை 

தைமகள் , தையல்நாயகி , தையல்முத்து , தைப்பாவை , தையம்மா , தையல் மாணிக்கம்

ந 

நஞ்சம்மாள் , நடவரசி , நற்குணதேவி , நந்தாமணி , நப்பசலை , நன்முல்லை , நடனச்செல்வி , நப்பின்னை , நன்னாகை , நடனமணி , நல்லம்மா 

நா 

நாகம்மை , நாகமுத்து , நாககுழலி , நாகம்மா , நாகமணி , நாச்சியார் , நாகவல்லி , நாகக்கொடி , நாமகள் , நாகச்செல்வி , நாகதேவி , நாவுக்கரசி 

நி 

நிலமணி , நிலவழகி , நிறைமதி , நிலவரசி , நிலாமணி , நிறைமொழி 

நீ 

நீலமணி , நீலமேனி , நீலவிழி , நீலக்குழலி , நீலவல்லி , நீலம்மை 

நெ 

நெல்லையம்மை , நெல்லைச்செல்வி , நேயமணி 

ப 

பகவதி , பட்டம்மை , பவளமல்லி , பகுத்தறிவு , பட்டம்மா , பவளக்கொடி , பச்சைக்கிளி , பட்டு , பழநி , பச்சையம்மை , பனிமொழி , பழநிவடிவு , பசுங்கிளி , பண்ணின் நேர்மொழி , பழநியம்மை , பசுங்கொடி , பரவைநாச்சி 

பா 

பாகம்பிரியாள் , பாப்பா , பாவரசி , பாண்டிமாதேவி , பாப்பாள் , பாவை , பாண்டிமுத்து , பாமகள் , பாமகள் , பாண்டியம்மாள் , பால்மொழி , பாப்பம்மை , பாலம்மை 

பி 

பிச்சையம்மாள் , பிறைக்கண்ணி , பிரியாநங்கை , பிறைநிலா 

பீ 

பீலிவளை 

பு 

புகழ்ச்செல்வி , புகழ்முத்து , புதுமைவல்லி , புகழ்வாணி , புகழருவி , புதுமைமணி , புகழ்க்கொடி , புகழ்ப்பாவை , புதுமைக்கொழுந்து , புகழ்மாலை , புகழ்நாயகி , புதுமைவாணி , புகழ்மொழி, புகழ்தமிழ், புதுமைநிதி, புகழ்வல்லி, புகழ்மாலை, புதுமைமதி, புகழ்க்கொழுந்து, புகழ்மங்கை, புதுமைமுத்து, புகழ்க்குழலி , புகழ்நங்கை , புதுமலர்ச்செல்வி , புகழ்த்தேவி , புகழ்க்குமரி , புலிக்கொடி , புகழ்வடிவு , புகழொளி , புலித்தேவி , புகழ்மேனி , புகழ்க்கண்ணி , புலியரசி , புகழ்மணி , புகழமுது , புலிச்செல்வி , புகழ்நிதி , புகழ்விழி , புலிப்பாவை , புகழ்மதி , புதுமை , புகழரசி , புதுமைச்செல்வி , புகழ்மாணிக்கம் , புதுமைக்கொடி , புகழ்நகை , புதுமைமொழி 

பூ 

பூங்கண்ணி , பூங்கோதை , பூவரசி , பூங்கதிர் , பூம்பாவை , பூவல்லி , பூங்காவனம் , பூமகள் , பூவழகி , பூங்கிளி , பூமயில் , பூவிழி , பூங்குழலி , பூமாலை , பூங்கொடி , பூவரசு

பெ 

பெரியநாயகி, பெருங்கோப்பெண்டு, பேச்சி, பெரியநாச்சியார், பெருஞ்சித்திரை, பேச்சிமுத்து, பெருங்கண்ணி, பெருஞ்செல்வி, பேச்சியம்மாள் 

பை 

பைங்கிளி , பைந்தமிழ்ச்செல்வி 

பொ 

பொற்குழலி , பொன்மாலை , பொன்னம்மை , பொற்கொடி , பொன்முடி , பொன்னம்மாள் , பொற்செல்வி , பொன்முத்து , பொன்னி , பொன்கிளி , பொன்மொழி , பொன்னியம்மா , பொன்மகள் , பொன்வல்லி , பொன்னுத்தாய் , பொன்மணி , பொன்னரசி , பொன்மயில் , பொன்னழகி 

ம 

மங்கம்மா , மணிமேகலை , மலர்குழலி , மங்கலம் , மணிநகை , மலர்க்கொடி , மங்கலநாயகி , மணியரசி , மலர்மங்கை , மங்கலவல்லி , மணியழகி , மலர்மதி , மங்கை , மணிவல்லி , மலர்நிதி , மங்கையற்கரசி , மதியழகி , மலர்விழி , மஞ்சு , மதியொளி , மலைமகள் , மஞ்சுளா , மயில் , மலைமணி , மட்டுவார்குழலி , மயிலம்மை , மலையம்மை , மணவழகி , மயிலம்மா , மலையம்மாள் , மணி , மரகதம் , மலையரசி , மணிக்கொடி , மரகதவல்லி , மலைவளர்மங்கை , மணியொளி , மருதம்மா , மல்லம்மா , மணிமலர் , மருதவாணி , மழையரசி , மணிமங்கை , மருதவல்லி , மறைச்செல்வி , மணிமாலை , மல்லி , மணிமொழி , மல்லிகை 

மா 

மாசாத்தி , மாதரி , மாரிமுத்தாள் , மாணிக்கம் , மாதவி , மாரியம்மை , மாலைமதி , மாம்பழத்தி , மான்விழி , மாலைநிதி , மாதேவி , மாலையம்மா , மாவடுக்கண்ணி , மாதரசி , மாரித்தாய் 

மி 

மின்னல் , மீனக்கண்ணி , மீனாட்சி , மின்னல்கொடி , மீனக்கொடி , மின்னொளி , மீன்விழி

மு 

முக்கனி , முத்தாலம்மை , முருகம்மாள் , முகில் , முத்துக்கிளி , முருகாயி , முடத்தாமக்கண்ணி , முத்துக்குமரி , முரசொலி , முண்டகக்கண்ணி , முத்துச்செல்வி , முல்லை , முத்தம்மை, முத்துநகை, முல்லைக்கொடி, முத்தம்மா, முத்துநாயகி, முல்லை நகை, முத்தரசி, முத்துமங்கை, முல்லை நாயகி, முத்தழகு, முத்துநங்கை, முனியம்மை , முத்தழகி , முத்துமணி , முனியம்மாள் , முத்தமிழ்ச்செல்வி , முத்துமாலை , முன்னேற்றம் , முத்தமிழ்வல்லி , முத்துமாரி 

மெ 

மெய்யம்மை, மெய்யம்மாள், மெய்யறிவு 

மை 

மைவிழி 

மொ 

மொய்குழல், மொய்குழலி 

யா 

யாழ்மொழி , யாழ்நகை , யாழிசை, யாழ்ச்செல்வி, யாழ்நாயகி, யாழ்வாணி, யாழ்ப்பாவை, யாழ்வல்லி, யாழ்க்கலை, யாழ்விழி, யாழ்குமரி, யாழ்மலர், யாழ்நிதி, யாழ்தேவி, யாழ்ப்பூ, யாழ்மதி, யாழ்மணி, யாழ்மாலை, யாழம்மா, யாழரசி, யாழ்மகள் , யாழலகி, யாழ்முத்து , யாழ்மாணிக்கம், யாழ்நங்கை, யாழ்பாடி, யாழினி, யாழ்மங்கை, யாழொலி 

வ 

வஞ்சிக்கொடி, வண்ணச்செல்வி, வள்ளிக்கொடி, வடிவம்மை, வண்ணமாலை, வள்ளிச்செல்வி, வடிவம்மாள், வண்டார்குழலி, வள்ளிமணி, வடிவரசி, வல்லரசி, வள்ளிமுத்து, வடிவழகி , வல்லி, வள்ளுவர்மொழி, வடிவு, வல்லிக்கொடி, வளர்பிறை, வடிவுக்கரசி, வள்ளி, வளர்மதி, வடிவுடைநாயகி , வள்ளிநாயகி 

வா 

வாகைக்கொடி, வாலம்மை, வானம்பாடி, வாணி, வாலம்மாள், வானவன்மாதேவி, வாழ்வரசி, வான்மதி, வார்குழலி, வான்மலர் 

வி 

விடுதலை, விடுதலைவிரும்பி 

வீ 

வீரம்மை, வீரமாதேவி, வீராயி, வீரம்மா, வீரக்கண்ணு 

வெ 

வெண்ணியக்குயத்தி , வெள்ளிக்கனி , வெற்றிவாணி , வெண்ணிலா , வெள்ளையம்மா, வெற்றிமலர், வெண்மணி, வெற்றி, வெற்றியம்மா, வெண்டாமரைச்செல்வி, வெற்றிச்செல்வி, வெற்றிக்கண்ணு, வெண்ணகை, வெற்றியரசி, வெற்றிக்கொழுந்து , வெள்ளி , வெற்றிமாலை , வெற்றிமணி , வெள்ளியம்மை , வெற்றிமுத்து , வெற்றிமங்கை , வெள்ளியம்மா , வெற்றிக்கனி , வெற்றிநங்கை , வெள்ளிவீதி, வெற்றிமதி, வெற்றிமாரி, வெள்ளிமதி, வெற்றிநிதி, வெள்ளிநிதி, வெற்றிக்கொடி 

வே 

வேண்மாள், வேலாங்கண்ணி, வேலம்மாள், வேம்பு, வேல்நாச்சியார், வேலாயி, வேப்பம்மாள், வேல்மயில், வேளாங்கண்ணி, வேம்பாயி, வேல்விழி, வேம்பரசி, வேலம்மை

வை 

வைகறை, வைகறைமணி, வையைமணி, வைகறைச்செல்வி, வைகறைக்கொடி, வையைமகள், வைகறைப்பாவை, வையமகள், வைரம் , வைகறைவாணி, வையை, வைரமணி, வைகறைமதி, வையைச்செல்வி, வைரமுத்து, வைகறைநிதி, வையைப்பாவை, வைகறைதேவி, வையைமுத்து

N2R NandhakumaR

Channel N2R